كالك هدا واحد لفقيه معكاز مزياااان واحد نهار في الجمعة دار الخطبة و صلا بالناس ميلي سالا قال ليهم شكون اللي عارف قصة سيدنا داود كولشي هز صبعو أو هو يقول ليهم بلا تجيو الجمعة الجاية.
-------------------------------
واحد لعروبي جا لمدينة أو بدا كايدور أو كا يبان ليه بزاف ديال هاتف عمومي بزاف بزاف ميلي رجع لعروبية سولوه صحابو قالو ليه كيجاتك لمدينا قال ليهم و ما كين اللي دوخني قد واحد عمومي عرفتو شحال عندو ديال الحوانت ؟؟!!
-------------------------------
واحد الرجل فقير بزاف خرج من الجامع أو هو يشري واحد الدلاحا ، هيا هديك أ سيدي مشا لدار أو هو يشد موس أو يلاه بغا يقسمها أو هو يخرج ليه واحد الجن قال ليه اللي بغيتيها نحضرها ليك ، قال ليه بغيت قصر أو .. أو .. أو زيد أو زيد ميلي سالا قال ليه الجن : هاهاهاها كون كان عندي قصر كاعما تلقاني فهاد الدلاحة !!
-------------------------------
قال ليك هادو 2 لحايا تافقو ايركبو فطاكسي أو ميلي يحصلو يهربو ... ميلي وصلو حلو الباب أو هوما يهربو مول الطاكسي حتى هو نزل هرب يسحبهم حطو ليه قنبولة خخخخ
-------------------------------
قال ليك هدا واحد شرى موطور .. كان غادي بيه في الطريق أو هو يدخل في واحد الدري صغير أو هو يقول الدري : مالك ما كاتشوفش ، جاوبو : أو مالني زكلتك ؟؟ !!
-------------------------------
قال ليك هدا واحد لعروبي شرى بورتابل أو هو يديرو في جيبو أو تم غادي ... واحد الشويا لبورطابل بدا كيفيبري أو لعربوبي جبدو مخلوع او لاحو أو قال : ولد لحرام باعو ليا حي !!
-------------------------------
قاليك هدا واحد كان غادي باش يتقدا الحشيش أو هاز معاه 50 درهم .. هي هاديك تم غادي واحد الشويا بانت ليه الصطافيط أو هو يلوح لفلوس أو هرب
خخخخخخخخ
-------------------------------
قاليك هدا واحد غادي حارك مع بزاف ديال الناس هي هاديك كانو غادين واحد الشويا جاو ليهم البوليس او شدو كولشي الا واحد علاش ؟؟ حيت كان عندو الفيزا و الباسبور خخخخ
-------------------------------
واحد الفكرون أكل فياكرا { دواء يزيد في الوزن } أو هو يولي كنبري خخخخ
-------------------------------
قاليك سيدي حمد مخاصم مع مرتو لالة فاطيم أو بغا يتصالح معاها مش بغ يدير بحالنا { msn } و هي هاديك أو هو يقول ليها : صباح أتاي لمشحر و صباح الدجاج لمحمر و صباح الحوت لمعمر و صباح الكسكسو المفور و صباح وجهك لمنور ... أو هي تجاوبو هي : مساء ميطيشا دايرا طريبيشا ، مساء البوعويد غادي لسويد ، مساء الدنجال بقا فيه الحال ، مساء الخرشوف اللي خليتيه غير كايشوف ، مساء النور على حمادينو البنور ..
-------------------------------
واحد المرا مات ليها راجلها و تمو غادين بيه ادفنوه أو هي غادا معاهم و كاتدحك .. سولوها الناس أمالك غادا كتدحكي أو راجلك ميت ، قالت ليهم حيت أول مرة غادي نعرفو فين غادي يبات هههه
-------------------------------
قاليك هادا واحد الولد ديما كايمشي عند واحد مول الدجاج او تيسولو بشحال هادا بيبي تيجاوبو 150 درهم تيقول ليه بغيتي فيه 10 دراهم تايقول ليه لا لا هي هاديك بقا كولا صباح كايجي عندو واحد النهار هاداك مول الدجاج كعى ميلي جا عندو هاداك الولد سولو بشحال هداك بيبي قال لي 150 درهم أو هو يقول ليه تاخد فيه 10 دراهم او هو يقول ليه يالله أسيدي أراها أو هداك الولد بقا تايشوف فيه أو قال ليه : ما عندكش شي واحد في البنفسجي ؟؟ خخخخخ
-------------------------------
واحد ال**** دخل لواحد الدار أو هو يهز واحد الموس على المرا قال ليها أشنو سميتك قالت ليه حليمة قال ليها صافي ما غاديش نقتلك حيت سميتك بحال سميت لواليدا أو حالف ما نقتل شي وحدة بحال لواليدا أو خو يسول الراجل أشنو سميتك قال ليه بوشعيب والاكين كيعيطو ليا في الدرب حليمة
-------------------------------
وشكرا
موضوع: نكت مغربية 
